[Иэм]

Печатается по Кирилло-Белозерскому списку 1486 года

Сказание о Дракуле, мутьяньском воеводе греческия

веры, влажским языком Дракула, а русским языком

дьявол по житию его зломудрому

О посольстве турского царя. Приидоша к нему послы от турьскаго царя и поклонишася ему по своему обычаю, шапок с глав не снимая. Он же воспроси их: "Что ради так чините, к великому государю приидосте и велику мне срамоту принесосте?" Они же реша: "Таков обычай в на шей земли держит". Он же рече: "Яз не хощу закона вашего разорити, наипаче хощу утвердити". И повеле им шапки гвоздями во главы прибита и рече: "Скажите государю вашему: он навык от вас срамоту терпети, а мы не навыкохом, да не посылает своего обычая и ко иным государем".

О приходе турскаго царя. О послех тех царь вельми возъяреся и по иде войском на Дракулу. Дракула же собра войско, елико имея, и рече войску: "Аще хто хощет смерть помышляти, той не ходи со мною". И напад на турскаго царя нощию и множество турок побил. И не возможе с малыми людми против великих стояти, назад возвратися, и которые с ним з бою пришли, нача их разсмотряти: которой бяше ранен спреди, тому велию честь воздаваше, а который созади ранен, и тех на кол повеле посадити. А царь турьский возвратися посрамлен.

О после царя турского . Царь же турьский посла к нему посла, да ему дасть дань. Дракула же почти посла, и показа ему все свое имение, и рече: "Не токмо хощу царю давати дань, но и со всем войском своим и со всею казною своею хощу к нему идти на службу и сколко могу, толко ему и послужю. И ты возвести царю, как пойду к нему, да не велит царь по всей земли своей моим людем никоего зла учинити, а яз хочю по тебе идти".

О приходе Дракулине. Царь же слышав от посла своего, что Дракула хощет ему служити, и велми радостен бысть, бе бо тогда ратуяся с восточными странами. Скоро посла по всей земли своей и по градом рече: "Да куды Дракула пойдет по моей земли да никто же ему зла учинит, но честь бы ему велию воздавали".

О пленении Туръской земли. Дракула же поиде со всем своим войс ком, приставы же царевы идяху с ним честь ему велию воздаяху. Он же по земли той идее 5 дней, и возвратися вспять, и нача пленити грады и села, и овых посече, овых на кол посажаше, а иных сожигаше, и до су щих младенцев, и остави всю землю пусту, и много людей пленных в свою землю приведе.

О приставех царевых. Приставов же царевых тех почтив, отпустив, рече: "Поведайте царю вашему, яко сами видесте; сколко могох, столки и послужил есми, такова им есть сила. И будет ему моя служба годна, и яз ему ещо послужю".

О укреплении и о грозе Дракулине. Толико грозен бысь Дракула во своей земли, ненавидя злато человека, разбою, и татбы, и всякие неправды. Аще священник, или боярин, или простый человек, и аще кто и много богатьства имый, не может бо искупится от смерти.

О кладязи. На никоем месте пустее учинен бяше кладях хладень и сладок, и к тому источнику мнози от путей приходящее многих стран людие питии ото источника того. Дракула же учини чару залу дивну и постави на источнике том. И аще кто пияше, и пока поставляше чару на том же месте, и никто же взятии не смеяше.

О женах. Аще которая жена от мужа прелюбы творит, он же веля щее у ней выризати срам и привязати ю среде торгу нагу, такоже и вдовам и девицам, кои девьства своего не сохраниша, а иным сесца отре зывати и кожю содирати повелеваше.

О злонравии. Таков же бе обычай Дракуле: егда ему отколе посол при хожаше, от царя, или князя, или от короля, и не умеяше против кознем его отвещати, то тех на кол сажаше, глаголя: "Не яз повинен твоей смер ти, ни ты на мя рцы что зло, ни государь твой; и ведый тя малоумьна и неучена, посла ко мне, великому государю, то государь твой убил тя есть; аще сам дерзнул еси не научився, то сам убил еси собя". И повелеваше их на кол всажати и к государем их речи отписываше, с прочими.

О кралевском после. Некогда же от Югорского краля прииде к нему посол Матияша, влах родом, великих человек. Дракула же повеле ему сести с собою на обеде среди трупия мертвых, и пред ним лежащее кол велик, позлащен. Дракула же вопроси посла: "Что ради сей кол аз учи них так?" Посол же убоявся и рече: "Тако, государь, мнит ми ся: Никий великий человек согрешит пред тобою, хощеши ему честную смерть воз дати паче инех". Дракула же рече ему: "Право рек еси; ты еси великого государя кралевский посол, тебе учинен кол сей". Посол же отвеща ему: "Яж, государь, достойная смерти аз содеях буду, твори еже хощеши. Праведны ибо судия от бога поставлен: не ты ми смерть учиниш, но аз сам есм себе". Дракула же рассмеявся рече ему: "Аще б еси не тако отвещал, воистину бы еси был на коле сем". И почтив его вельми, и одарив, и отпустив, глаголя ему: "Ты по правде ходи на посольство, а прочий да не дерзнут, а иные неумные будут, како им с великими государи говорити?".

О трапезе Дракулине. Егда же обедаше Дракула под трупием мерт вых человек, идее на колье всажены множество около трапезы его. И послы откуды придут, туго же ядяху с ним; Дракула же посреде их седяше. Слуга же его столник пред ним стояше, смрада онаго не могий терпети, и заткнув нос главу поклонився на землю. Дракула же его вос просив: "Что тако чиниш?". Он же рече: "Государь, смразу оного не могу терпети!". Дракула же повеле его на кол посадити выше всех, глаголя: "Там несть смрада, и не дойдет тебе, понеже высоко есть!".

О нищих. Единою же пусти свое веление по всей своей земли: "Аще кто стар, и увечен, или слеп, или хром, и всяким недугом одержим, да придут к нему, и сотворю всех безначальны". И собрашася к нему от всех стран множество нищих, всякими недуги одержими, чающее от него великие милости. Он же учини им храмины вели и повеле им ту дати ясти и питии доволно; они же ядше возвеселишася. Дракула ж рече им: "Хощете, да сотворю вас безпечалны, и ничим же будете нуж ны?". Они же вси рекоша: "Хощем, государь". Он же повеле храмины огнем запалити и сожже их ту. И рече к боярам: "Весте ли, что сотворих: первие, да не стужают людем, второе, свободих их от печали, да не стужают к тому, да никто от них постражет".

О мнисех латынских. Единою же приидоша два мниха латынские земли милостыни ради. Он же повеле их развести разно, и пока им на колех посаженых множество людей безчисленно, и вопроси единаго: "Доб ро ли яз тако сотворих?". Мних же глаголя: "Ни, государь, зло чиниш еси без милости, подобает государю милостиву бытии, а те, их же на колье всажены, мученицы суть". И призва другаго мниха и вопроси его такоже. Он же отвещав: "Ты еси, государь, от бога поставлен еси лихо творящих казнити, а добро творящих жаловати, а сии по делом своим воприяли". Дракула призва перваго мниха и рече ему: "Почто еси из монастыря ходи ши по великим государем, не умея с ними говорити? И аз хощу тя по твоим словесем мучеником учинити". И повеле его на кол посадити. А второму старцу повеле дата воем дукад злата и повеле его с честию проводите.

О купцы. Некогда прииде купец от Югорские страны, идеже Дракула во граде. И по его заповеди постави пред полатою возы свои, а сам заснув у полаты.

О тати. И прииде тать и украде с воза сто шестьдесят дукад злата. Купец же прииде ко Дракуле, поведа ему о погублении злата. Дракула же глагола ему: "Пойди в сию нощ обряшеши злата". И повеле татя сыскива ти, рече: "Аще не обрящете татя, то весь град погублю". А сам своим повеле на воз гостю свое злато втаи положити и приложит единой злат ник. Купец же обреете златники, и сочте дважды и трижды, обреташе единой златник, и шед поведа Дракуле, рече: "Государю, обретох злато, и есть единой златник лишней, а не мой". Тогда Дракула рече: "Иди с миром; аще бы еси не поведал, то бы тя велел на кол посадити". И тот час и татя, сыскав, привели, и повеле его Дракула на кол посадити.

О сихорании. Егда же единою идущу ему путем и узре на некоем человеку срачицу раздранну и худу, и возпроси его: "Имееш ли у собя жену?". Он же отвещав рече: "Имею, государю мой". И глагола ему Дракула: "Поидеви в дом твой". И пришед, виде жену его младу и здраву сущу, и глагола мужеви: "Имевши ли лен?". Он же рече: "Много, государь, есть лену". И показа ему. Дракула же рече жене его: "Почто ты леность имаши к мужю своему? Муж твой должен орати и сеяти и тебе кормити. А вы должни мужем своим одежду светлу и лепу имети и чинити, а ты с срачицы не хощеши нарядити, а здрава суща телом. Аще б в том пред тобою муж виноват, аз бы его велел на кол посадити". И повеле ей руки отсещи, а трупие на кол посадити.

О мастерех. Повеле призвати мастеров, и повеле им учинити бочки железные, и всыпа в них злато, и положиша злато в бочки и ввергоша в реку на сохранение. А мастеров поселе посещи, да никто же уведает сокровеннаго злата.

О войне югоръекого краля. Некогда же краль югорьский прииде на Дракула со многим войском; а Дракула поиде против его вьстречю и бишася крепко, и ухватиша Дракула жива. И посади его в темницу, и бысть в темницы 12 лет, а на Мутьянскую землю землю посади иного воеводу. Дракула же, седя в темницы, не оста злато своего обычая, но мыши ловяше и спицы орбастривая, да их посажаше, аки на кол, и птицы покупая и казни, овех на кол посажаше, а инеем главы отсекая, а у иных перье ощипывая, пущаше. И научися в темницы шити, тем кормяшеся.

О отпущении из темницы. Егда же краль Матияш изведе его ис темницы и повеле Дракуле двор дата, но еще у краля на очех не бывал, случи ся некоему злодею прибегнути на его двор. Гонящий же притек за ним на двор Дракулин. И Дракула же взя меч и отсече главу приставу, держаща го зложея, а злодея отпустил; прочий же пристави бежаша. И поведаша кралю своему. Крал же посла к нему воспросити: "Что ради тако чиниши? ". Он же рече: "Яз никоего зла не учиних, он сам себе убил: не ходи разбойнически на великаго государя двор; аз бы злодея и сам выдал или от смерти просил". Краль же подивися со всеми сердцу его.

О умертвии мутьяньского воеводы. Умершу же воеводу мутьяньскому краль же посла к воеводе мутьяньскому; краль же посла к Дракуле, да аще хощет бытии на Мутьянской земли воеводою, яко же и пер вие, да оставит греческую веру да примет латыньскую; аще не восхощет, то в темницы умрет. Дракула же обещася сотворити волю кралеву и отпаде православна, возлюби тму. Увы, не возможе темничные тягости понести, уголовися на безконечное мучение: прия латынскую веру. Краль же даст ему сестру свою в жену и посла на Мутьяньскую землю, и роди шася у него два сына. И поживе десять лет и преставися в прелести.

О смерти. Конец же ему бяше: приидоша на него турки и начата пленити землю его. Он же, Дракула, ударися на них своим войском, и побегоша турки. Дракулино же войско множество турков ссекоша. Дра кула же въеха на гору в радости, нача дивитись о пагубе турской. И некто, исторнуся из его полка, мнящее его турчанина, и удари его копи ем. Он же видев, яко от своих убиен, и ту уби своих 5 мужей храбрых, его же, Дракулу, копии мнози избодоша. И тако скончася.